Советот на ЕУ усвои регулатива со која се забрзуваат и поедноставуваат процедурите за враќање на лица кои нелегално престојуваат во земјите-членки на ЕУ.
Регулативата ги дефинира процедурите за враќање на нелегални мигранти од сите земји на ЕУ, им наметнува обврски на оние кои немаат право на престој и воспоставува алатки за соработка меѓу членовите на блокот, објави веб-страницата на ЕУ.
Исто така, им овозможува на земјите-членки на ЕУ да основаат центри за враќање во трети земји.
Расмус Стоклунд, министер за имиграција и интеграција на Данска, која претседава со ЕУ, рече дека е воодушевен од усвојувањето на регулативата, бидејќи три од четири нелегални мигранти на кои им е издадена одлука за враќање остануваат во ЕУ наместо да се враќаат дома.
„Верувам дека новиот сет правила може значително да помогне во подобрувањето на овие бројки. За прв пат, државјаните на трети земји кои нелегално престојуваат ќе имаат обврски, а земјите-членки ќе имаат многу подобар сет на алатки. На пример, ќе бидат можни подолги притворања, а забраните за влез ќе бидат подолги“, рече Стоклунд.
Тој додаде дека регулативата ќе им овозможи на ЕУ и на една или повеќе земји-членки да склучат аранжман или договор со трета земја за центри за враќање.
ИЗДВОЕНИ
Станува ли Македонија Мека за мигранти? – По објавата во британските медиуми веста е демантирана, но дилемата останува
Трет мандат за Мицкоски – лидерска визија или партиска транзиција? – Аналитичарите за пораките на лидерот на ВМРО-ДПМНЕ од конгресната говорница
Новогодишната магија на Скопје ќе чини 53 илјади евра, сè уште не се знае кој ќе ги забавува скопјани за дочекот на новата година
ЖИВОТНИ ПАТОКАЗИ, ЗОРАН КРСТЕВСКИ: Судбина
