Турскиот претседател Реџеп Таип Ердоган му понудил на иранскиот претседател Масуд Пезешкијан да биде „посредник“ меѓу Техеран и Вашингтон, објави денес Анкара.
Ердоган во телефонски разговор нагласи дека Турција е подготвена да игра улога на посредник меѓу Иран и Соединетите Американски Држави (САД), „со цел да се намалат тензиите и да се решат проблемите“, објави турското претседателство.
Иранскиот министер за надворешни работи, Абас Арагчи, пристигна во Истанбул во петок наутро за да се сретне со својот турски колега Хакан Фидан, во обид да избегне напад на САД врз соседен Иран што би го дестабилизирал регионот.
Американскиот претседател Доналд Трамп вчера изјави дека „се надева дека нема да мора да го нападне Иран“.
