Петто лице почина од ширењето на легионерската болест во Њујорк, соопштија денес американските здравствени власти.
Епидемијата избувна во центарот на Харлем кон крајот на јули. Десетици луѓе се заразени од вчера, 15 се хоспитализирани, а петти смртен случај е пријавен доцна синоќа, се вели во соопштението.
Бактериите што ја предизвикуваат легионерската болест се пронајдени во 12 разладни кули во 10 згради, вклучувајќи градска болница и клиника за сексуално здравје, соопштија градските власти на Њујорк.
Сите разладни кули се санирани, соопштија властите.
Легионерската болест е вид на белодробна болест предизвикана од бактеријата Legionella која напредува во топла вода и се шири преку водоводните инсталации на зградите.
Појавата на легионерска болест во Њујорк е поврзана со разладните кули што користат вода и голем вентилатор за ладење на зградите.
Според американскиот Центар за контрола и превенција на болести, симптомите на болеста вклучуваат кашлица, треска, главоболка, болки во мускулите и отежнато дишење, а се појавуваат два до 14 дена по изложеноста на бактеријата.
ИЗДВОЕНИ
ГРАДОНАЧАЛНИЧКИТЕ КАНДИДАТИ НА ПОМОШ ВИКААТ И СТРАНСКИ ЕКСПЕРТИ:Кампањата носи и лек за урбанистичкиот хаос – или од Мексико или од Истанбул!
Во петок ќе се знае по колку советници ќе имаат општините и Град Скопје?!
Амбасадор Рафаел Сориано Ортиз: Шпанско-македонските односи и нивната перспектива во иднина
Турција – омилена дестинација за Македонците што не сакаат да вадат паричник на одмор
