Австрија се соочува со леден бран. Се очекува температурите да паднат далеку под нулата, а се предвидуваат и нови снежни врнежи. Австриските медиуми известуваат дека Варт во регионот Брегенцервалд веќе има до 60 сантиметри снег, а се предвидува уште повеќе во Алпите.
„По снегот, сега се соочуваме со многу мразовити ноќи. Во петок навечер, температурите ќе паднат помеѓу -1 и -12 степени. Се очекуваат околу -15 степени во алпските долини покриени со снег,“ напиша метеорологот Клеменс Грос од „Кахелманветер“, на социјалната мрежа Икс.
Според медиумите, слични прогнози имаат и други метеоролошки служби. Според нивните предвидувања, студот особено силно ќе ги погоди западните Северни Алпи. До викендот треба да преовладува систем со висок притисок, а времето ќе се смири.
#Österreich: Nach dem Schnee kommen jetzt teils sehr frostige Nächte. In der Nacht zum Freitag sinken die Temperaturen auf -1 bis -12 Grad. In den schneebedeckten Alpentälern sind um -15 Grad zu erwarten. Für Details in die Länder/Bezirke.#Frost
— Alpinwetter | kachelmannwetter.com (@Alpinwetter) November 26, 2025












