Во понеделник беше пријавена експлозија во фабриката на „Ју-Ес Стил Клертон“ во близина на Питсбург, Пенсилванија, при што беа повредени повеќе лица, а неколку лица беа заробени, соопштија официјални лица.
Портпаролката на службите за итни случаи на округот Алегени, Кејси Рајнер, потврди дека има „десетици“ повредени, но не можеше да потврди смртни случаи или причина за експлозијата, објави „Си-Ес њуз“.
Друга портпаролка потврди дека е во тек операција за спасување на заробените лица.
Гувернерот Џош Шапиро објави на социјалните мрежи дека државните служби за итни случаи и полицијата се на местото на настанот.
Фабриката, масивен индустриски објект покрај реката Мононгахела јужно од Питсбург, се смета за најголема кокс-печка во Северна Америка и е една од четирите големи фабрики на „Ју-Ес Стил“ во Пенсилванија со неколку илјади вработени.
Демократскиот сенатор Џон Фетерман, кој некогаш беше градоначалник на блискиот Брадок, ја нарече експлозијата „апсолутно трагична“ и вети поддршка за семејствата.
„Тажен сум за овие семејства“, рече Фетерман.
#BREAKING: The explosion at U.S. Steel’s Clairton Coke Works in Pennsylvania has been escalated to a Level 3 Mass Casualty Incident.
Multiple victims are reported, helicopters have been deployed for evacuation, and heavy smoke is billowing from the site. Significant structural… pic.twitter.com/df1I4SiWAP
— upuknews (@upuknews1) August 11, 2025
