Утрово избувна пожар на покривот на висока зграда во населбата Тиергартен во Берлин. На терен се 90 припадници на противпожарната екипа, обидувајќи се да го изгаснат пожарот. Според портпаролот на противпожарната служба во Берлин, пожарот избувнал на покривот на зграда која сè уште е во изградба.
Градилиштето се наоѓа во близина на Лицовплац, на Курфирстенштрасе. Причината за пожарот засега е непозната, а пожарникарите пристигнале на местото на настанот кратко по пријавата во 8:26 часот наутро. Работниците на градилиштето успеале да избегаат напуштајќи ја зградата користејќи надворешен лифт.
Es gab zwei laute Explosionen und jetzt brennt in Berlin dieses Gebäude (das wohl noch eine Baustelle war) pic.twitter.com/NHn1wsrFVc
— Dr. H📯 (@1900HO) June 30, 2025
Во текот на утрото, над градот се гледаше густ столб од чад, а според извештаите на RBB, од време на време се слушаа неколку мали експлозии, чија причина сè уште не е утврдена. Фотографиите што кружат на социјалните мрежи покажуваат огнен пламен.
Пожарникари со скали, кран и дрон беа распоредени за да го изгаснат пожарот. Спасувачите се присутни и на покривот.
Зградата каде што избувна пожарот е позната како „Џон Јар Хаус“, седумнаесеткатна зграда што вклучува две станбени единици.
Nach zwei lauten Explosionen brennt es nun in Berlin Schöneberg pic.twitter.com/2ceA6O53Kb
— David Berger (@DrDavidBerger) June 30, 2025
