Бројни заблуди и митови за храната водат до погрешно верување дека одредена храна може да предизвика рак. Сепак, експертите истакнуваат дека ниедна храна не е директно поврзана со развојот на рак.
Иако здравата и балансирана исхрана може да го намали ризикот од оваа гадна болест, важно е да се разјасни дека не сите намирници што често се етикетираат како канцерогени се всушност такви, пишува Експрес.
Според експертите од Cancer Research UK, јајцата, кафето и сојата не се канцерогени, и покрај честите тврдења дека се.
На пример, иако јајцата во никој случај не се докажани како поврзани со ракот, дневната консумација на кафе сугерира потенцијални здравствени придобивки, вклучително и намалување на ризикот од рак на црниот дроб и матката, иако потребни се понатамошни истражувања. Што се однесува до сојата, која содржи изофлавони, кои на некој начин ги имитираат ефектите на естрогенот, оваа храна исто така не е докажано дека е поврзана со зголемен ризик од рак.
Од друга страна, хемикалијата BPA, која се наоѓа во облогите на конзервираната храна и пластичната амбалажа, не е потврдена причина за рак кај луѓето, иако во некои студии покажала штетни ефекти кај животните.
Експертите го побија овој мит, објаснувајќи: „Некои луѓе се загрижени дека БПА може да предизвика рак бидејќи некои студии врз клетки и животни ги покажаа неговите канцерогени ефекти. Сепак, нема сигурни докази дека БПА предизвикува рак кај луѓето.“
Сепак, постојат два вида на храна кои се поврзани со зголемен ризик од рак, а тоа се преработеното месо и алкохолот. Консумирањето на преработено и црвено месо, како што се салама, шунка и сланина, покажа дека го зголемува ризикот од рак на дебелото црево.
Исто така, алкохолот, дури и во умерени количини, го зголемува ризикот од неколку видови рак бидејќи ги оштетува клетките и ја поттикнува апсорпцијата на штетни хемикалии во телото. Без оглед на видот на пијалокот, токму компонентата на алкохолот ги оштетува клетките и го олеснува влегувањето на штетни супстанции во телото, што може да придонесе за развој на болеста. Иако ова не значи дека секое лице кое консумира алкохол или преработено месо ќе развие рак, јасно е дека го зголемува ризикот и потрошувачката треба да се минимизира.
