Европската комисија денес го презентираше Законот за вселената на ЕУ, долгоочекувана реформа на регулативите што ќе влијае на брзорастечката вселенска индустрија.
Законот има за цел да создаде единствен пазар за компаниите што обезбедуваат вселенски услуги во ЕУ, а воедно да ги зајакне напорите за зголемување на конкурентноста во однос на Соединетите Американски Држави и другите комерцијални вселенски сили, објави „Ројтерс“.
Законот, исто така, воведува регулативи за решавање на растечкиот проблем со преоптовареност на вселената со илјадници сателити во орбитата и 128 милиони парчиња вселенски отпад.
Европската комисија соопшти дека новиот закон, исто така, воведува мерки против заканите од кибернапади и електронски пречки, како и за промовирање на еколошки одржливо користење на вселенските ресурси.
Законот предвидува безбедно отстранување на сателитите по оперативните активности, задолжителни проценки на ризикот, мерки за сајбер безбедност за вселенските оператори и воспоставување правила за мерење на влијанијата врз животната средина.
„21-от век ќе биде век на вселената и век на нови граници во вселената. Ние сме на почетокот на вселенска револуција“, рече комесарот на ЕУ за вселена и одбрана Андриус Кубилиус.
ИЗДВОЕНИ
Обвинителството ќе ја обжали ослободителната пресуда за Ѓорчевски, одбраната најави жалби за доживотните казни
Кои домашни земјоделски производи ќе ги купуваат граѓаните кога 80 отсто се од увоз?
Мицкоски: Во срцето на Европа се обидуваат да создадат нова нација и јазик!
Доживотен затвор за Палевски, Манев, Кешишев и Видевски, таткото на Вања ослободен од обвинението
