Филмот „Една битка по друга“ е номиниран во 14 категории е за филмските награди БАФТА за 2026 година. Веднаш по него следува филмското остварување „Грешници“ со 13 номинации.
Британската академија за филмска и телевизиска уметност го номинираше филмот „Една битка по друга“ за најдобар филм, режија за Пол Андерсон, главен актер за Леонардо Дикаприо, споредна машка улога (Шон Пен и Бенисио дел Торо), споредна актерка за Тејана Тејлор, адаптирано сценарио, кастинг, кинематографија, монтажа, музика, сценографија и звук.
„Грешниците“ е следен на листата на номинирани, со вкупно 13, вклучувајќи ги за најдобар филм, најдобар режисер за Рајан Куглер, најдобар актер за Мајкл Б. Џордан и најдобра споредна женска улога за Вунми Мосака.
Филмовите „Хамнет“ и „Марти Величествениот“ го изедначија третото место со по 11 номинации.
Пет жени се најдоа на долгата листа на БАФТА од 10 имиња за најдобар режисер, но само Клое Жао на крајот беше номинирана.
Сите пет филмови номинирани за наградата БАФТА за најдобар филм беа номинирани и за овогодинешните „Оскари“, кои беа објавени на 22 јануари.
Откако Академијата за филмска уметност и наука го зголеми бројот на номинирани од пет на десет во 2009 година, само четири од 80-те номинирани за БАФТА за најдобар филм не добија ниту номинација за Оскар.
Во 19-те категории што ги делат Оскарите и БАФТА наградите, околу 75% од номинациите за БАФТА се преклопуваат со номинациите за Оскар, со малку помало преклопување во категориите за глума.
Доделувањето на наградите БАФТА за 2026 година, кое ќе го води Алан Камингс, ќе се одржи во недела, на 22 февруари.
