Единаесет месеци од падот на настрешницата во Нови Сад, комеморативни собири низ Србија: Илјадници луѓе на улиците на Белград, Ниш, Крагуевац/видео

Денес во Белград, Нови Сад, Ниш, Крагуевац, Прокупље и други градови беа организирани комеморативни собири за да се одбележат 11 месеци од уривањето на настрешницата на железничката станица во Нови Сад, во која загинаа 16 лица, објавуваат српските медиуми.

Неколку илјади луѓе се собраа на комеморативните собири организирани од студентите во блокада во градовите низ Србија.

Белградските студенти ги повикаа граѓаните да ги остават своите свирчиња дома и најавија дека колоната ќе се упати од железничката станица Прокоп, каде што започна собирот, до железничката станица во Нов Белград.

11 meseci.

16 žrtava.

0 odgovornih.

Beograd pamti. ❤️‍🩹 pic.twitter.com/VgIj8frcE3

— Milica Baltić (@zaba_bez_brkova) October 1, 2025

Студентите и граѓаните на комеморативна прошетка стигнаа до Железничката станица во Нов Белград, каде што беа пречекани од моторџии.

Поворката се движеше во тишина цело време и беше пречекана со блесоци, јавува репортер на „ФоНет“.

Претходно, студентите од Прокоп ги поздравија ветераните со аплауз.

Studenti i građani na komemorativnoj šetnji povodom 11 meseci od pada nadstrešnice na Železničkoj stanici u Novom Sadu, prelaze most Gazelu na putu ka Železničkoj stanici na Novom Beogradu.

VIDEO: FoNet pic.twitter.com/PkqHajF1ok

— TV N1 Beograd (@n1srbija) October 1, 2025

Колоната се движеше низ неколку улици во Белград: Булевар кнеза Александар Караѓорѓевиќ, Булевар војводе Путница, Мост Газела, Булевар Арсенија Чарноевиќ, Арена клучка, Антифашистичка улица до Железничката станица Нов Белград.

Komemorativni skup ispred železničke stanice Prokop u Beogradu povodom 11 meseci od pada nadstrešnice u Novom Sadu, kada je 1. novembra stradalo 16 osoba.
Kolona je krenula na Novi Beograd pic.twitter.com/DJBvIXEL45

— Čuvari/ke vatre (@CuvariVatre) October 1, 2025