Скот Карсон ќе биде запаметен како голманот кој успеа да освои речиси сè што можеше во Манчестер Сити, а имаше само два настапи за овој клуб. Сепак, по шест години, време беше да го напушти „Итихад“.
Карсон пристигна во Манчестер Сити во летото 2019 година од Дерби Каунти, но веднаш беше свесен дека ќе ја има улогата на трет голман, што воопшто не го загрижуваше.
Овој 39-годишник прифати да биде целосно во сенка на тимот на Пеп Гвардиола и дека таквото сценарио воопшто не го загрижуваше, покажува фактот дека помина шест години на „Итихад“.
Карсон успеа да освои речиси сè што можеше со Манчестер Сити, а неверојатно е што во тие шест години, на овој искусен голман му беше дадена шанса да игра само на два натпревари од Гвардиола.
Тој го напушта „Итихад“ со полн витрина од освоени трофеи и само 107 минути игра во двата натпревари.
Сепак, англиските медиуми објавуваат дека Карсон се обидел да се бори за останување во Сити и понудил да го продолжи договорот и да остане трет голман, но овој пат раководните лица одлучиле дека е дојдено време да се збогуваат. Карсон го имаше своето деби на големата сцена пред 22 години на голот на Лидс, каде што е роден.
Бранеше и за Ливерпул, Шефилд Венздеј, Чарлтон, Астон Вила, ВБА, Бурсаспор и Виган. Исто така имаше четири настапи за репрезентацијата на Англија, а се уште не е познато дали Карсон ќе се пензионира или ќе се обиде да најде нова работа.
