Двајца се во тешка, но не критични – при крај изградбата на новото физикално одделение во Кочани

Тројца од повредените во пожарот во кочанската дискотека се сеуште на болничко лекување, а двајца се во тешка но не и во критична состојба, изјави директорот на Фондот за здравствено осигурување Сашо Клековски по увидот во градежните работи на новото физикално одделение во општата болница во Кочани. Двајца од пациентите се на домашне лекување, а шетмина повремено одат на контрола во болницата во Софија.

– За неколку дена бројот на повреденени се намали на тројца, двајца се пуштени на домашно лекување, еден се врати од Турција и тој е дома и еден е пуштен на домашно лекување од пластична хирургија во Скопје. Еден повреден е на лекување во Истанбул и двајца се наоѓаат во приватната болница Систина, двајца се во тешка состојба, но не критична. Кај двајца со отворени рани е потребна интервенција и ќе бидат третирани во Кочани. Фондот ги покрива трошоците за контролите на 6 пациенти кои повремено имаат потреба да одат во болницата во Софија каде беа на лекување, изјави Клековски. Во меѓувреме пластичен хирург од Белгија дошол во земјава и прегледал 18 пациенти со изгореници на лицето, рацете и вратото на кои ќе им биде потребен подолг третман. –Сите повредени ќе излезат живи, здрави и убави, вети директорот на Фондот кој направи увид во градежните работи на новото физикално одделение кое наскоро треба да се пушти во употреба. Со зголемување на буџетот на кочанската болница во тек е вработување на 20 медицински лица, а наскоро ќе се набави и дигитален рентген апарат. Од донатори ќе се обезбдат пари за инсталирање на централен кислород во хирушките сали и интервентните одделенија.

Сепак, во кочанската болница која е регионална за лекување на граѓаните од истокот, потребен е специјалистички кадар, вели директорката Катерина Паниќ Мирчовска. Вели дека и по шест месеци од трагичниот настан ги следат препораките на експертите, а следно ќе бидат вклучени и дерматолози заради лекување на лузните кај пациентите. Во болницата се користи апаратот биоптрон кој е извор на ладно светло за пациент кој немал отоврени рани заради регенерација на кожата и процесот давал позитивни резултати. Пациентите со лузни на лицето и вратот наскоро ќе ги добијат и силиконските маски изработени со 3д принтање во Германија. Компресивната облека ќе се менува на секои 6 месеци додека има потреба, а во новото физикално одделение ќе се постави хипербарна капсула за која веќе се обучувале физеотерапевтите.

-Сеуште е рано да се зборува за естетски операции, ставот на специјалистите е дека треба да помине време, но за функционалните делови како прсти, врат, доколку има предлог за корекција истата ќе биде направена. Треба да бидеме внимателни и за психичкта состојба на пациентите и прашањето како побрзо да ги вратиме на секојднвниот живот еве ќе почне академската година ќе посетуваат он лајн настава,  полагање, вели директорката Мирчоска.

Рехабилитацијата на повредените во одморалиштето Пониква заврши, во неколку смени таму биле вкупно 90 пациенти. Со нив работеле тимови од лекари и медициснки сестри, а некои од младите кои свиреле на инструмент ја повратиле љубовта кон музиката. (П.А.)

Судиите се „молат“ да не им се падне случајот Кочани

Според информациите на нашата редакција судиите од Кривичниот суд во Скопје каде што треба да им се суди на обвинетите во случајот Кочани, не би биле среќни ако по системот на ждрепка наречен АКМИС им се падне да го судат предметот против 34 лица и три фирми. Во Основниот суд се уште нема одлука по обвинителниот акт кој беше поднесен на почетокот на јуни. Адвокатите кои ги контактираше ВЕЧЕР велат дека чекаат мислење по поднесените приговори и се сомневаат дека ќе им бидат прифатени. Сеуште нема конечна одлука дали судењето ќе се одржува во големата судница на Кривичниот суд. Обвинението ќе го застапуваат тим од обвинители кои ќе се менуваат во зависност од областа која ја истражувале и собирале докази, а најверојатно главен обвинител ќе биде кочанскиот.  Обвинителството поднесе обвинение за пожарот во кочанската дискотека Пулс во која загинаа 62 луѓе против  34 лица кои со постапувањето или непостапување во системот предизвикале да се случи катастрофата. Во обвинението се опфатени и трите фирми на сопственикот на дискотеката кој е првообвинет. За 11- мина кои првично беа осомничени обвинителството ја запрело постапката со образложение дека нема докази