Тим социјални работници пронашле мртов маж во парк во 10-тиот станбен округ Фаворитен во Виена. Кога пристигнале, тој повеќе не покажувал знаци на живот. Веднаш биле повикани брза помош и полиција. Заедно се обиделе да го оживеат бездомникот, но без успех. Немало спас за замрзнатиот човек.
Само еден ден претходно, во Виена регистриран е сличен случај – уште едно бездомно лице било пронајдено на улица во 21-виот станбен округ во Виена, Флоридсдорф. Кога пристигнале социјалните работници, човекот бил тешко хипотермичен и едвај реагирал. Со брза помош, тој бил пренесен во критична состојба во блиската болница во Виена, каде што набргу починал.
Во Фрауенштифтгасе, каде што бил пронајден, луѓето, сочувствувајќи со трагичната смрт на бездомникот, палеле свеќи пред зградата.
„Сите сме длабоко погодени и тажни“, изјави за „Хојте“ директорот на Каритас на Виенската надбискупија, Клаус Швертнер. И покрај заедничките напори и огромната подготвеност на населението, хуманитарните организации, службите за спасување, полицијата и градот Виена да помогнат, за жал, веќе некое време има бездомници кои умираат од смрзнување“, додаде Швертнер.
Ова покажува колку е важна телефонската линија на Каритас 01 / 4804 – 553 за помош на луѓето без покрив над главата, во време на екстремно ниски температури на воздухот и студено време.
