Замбиски суд во понеделник осуди двајца мажи на две години затвор со принудна работа затоа што се обиделе со вештерство да извршат атентат врз претседателот на земјата.
Мозамбичанецот Јастен Мабулесе Кандунде и замбискиот селски началник Леонард Фири беа уапсени во декември поради поседување разни амајлии, вклучувајќи и жив камелеон.
Полицијата соопшти дека мажите планирале да ги користат амајлиите за да му наштетат на претседателот Хакаинеде Хичилема. Тие беа обвинети за вештерство и поседување магични предмети.
„Мотивот за злосторството бил атентат врз шефот на државата“, пресуди судијата Фине Мајамбу во главниот град Лусака.
„Овие осуденици не се непријатели само на претседателот, туку на сите Замбијци. Затоа ги осудувам на 24 месеци затвор со тешка работа, почнувајќи од датумот на нивното апсење“, рече тој.
Обвинителството тврди дека мажите биле ангажирани од роднини на опозицискиот пратеник Емануел „Џеј Џеј“ Банда, кој моментално е на судење за грабеж, обид за убиство и бегство од притвор.
ИЗДВОЕНИ
ЗАГРОЗЕНА ЛИ Е БЕЗБЕДНОСТА ВО ДРЖАВАТА СО ПОЖАРИТЕ ВО „ВАРДАРИШТЕ“, „ДРИСЛА“ И ТРУБАРЕВО?: Одговорот за хибридна војна го имаат потпалувачите
Патувањето преку „Јасен“ да се скуси за два и пол пати, остана пуста желба на Поречани
Државата нема начин како да го намали јазот меѓу платите
Пожарот во Трубарево е изгаснат
