Француските обвинители подигнаа обвинение против двајца мажи за кривични дела откако беа уапсени во Париз со швајцарски накит во вредност од 10 милиони евра скриен во долна облека.
Тие признаа дека го украле накитот од лице во Швајцарија, соопшти канцеларијата на парискиот обвинител, објави порталот „Свисинфо“, пренесува „Танјуг“.
Осомничените, двајцата над 18 години, во среда беа обвинети за групен грабеж и беа притворени, соопштија извори блиски до истрагата, објави „Свисинфо“, потврдувајќи го извештајот на весникот „Паризиен“.
Двајца мажи од туниска националност признаа дека украле накит од куќа во Швајцарија, рече изворот, додавајќи дека украле часовник „Ролекс“, ѓердан, обетки и прстени со скапоцени камења.
Според „Ле Паризиен“, кражбата се случила во Женева.
Јавниот обвинител ја проценил вредноста на пленот на 10 милиони евра.
Полицијата го открила накитот скриен во долната облека на еден од осомничените, завиткан во чорап, според извор близок до случајот.
Двајцата мажи биле запрени за време на рутинска проверка додека излегувале од брз воз на станицата „Гар д’Лион“ во Париз.
