Два европски гиганти подготвени да му понудат на Роналдо едномесечен договор

Лондонскиот премиерлигаш Челзи ќе биде еден од тимовите кои ќе се натпреваруваат во проширената верзија на Светското клупско првенство што ќе се одржи во Америка следниот месец.

Тимот од „Стемфорд Бриџ“ се најде во групата „Д“ заедно со Фламенго и ЕС Тунис, но, четата на Енцо Мареска, се уште не го знае својот прв противник.

Имено, тоа ќе биде тимот кој е подобар во плеј-оф дуелот помеѓу Клуб Америка и ЛАФЦ.

Одеднаш се појавија шпекулации дека Кристијано Роналдо би можел да се врати во Англија и да потпише за тим кој игра на Светското клупско првенство.

Англија на ова натпреварување го претставуваат споменатиот Челзи и Манчестер Сити кој е менаџиран од Пеп Гвардиола.

Очигледно ѕвездата на Ал Наср би можел да потпише за еден од овие два клуба и се би требало многу брзо да стане појасно.

Ова, како што тврдат странските медиуми, не би бил долгорочен, туку многу краток договор. Имено, се вели дека челниците на Челзи и Манчестер Сити се подготвени да му понудат на Роналдо договор на еден месец.

Останува да се види дали навистина нешто ќе се случи или Роналдо и следната сезона ќе игра во Саудиска Арабија. Кој знае, можеби наскоро ќе се врати во Европа и тоа долгорочно.