Основачот на Телеграм, Павел Дуров, изјави дека со задоволство би купил накит украден од Лувр во Париз и би го донирал на Лувр во Абу Даби.
„Никој не краде од Лувр во Абу Даби“, напиша Дуров на платформата X.
Крадци провалиле во Лувр во Париз и украле осум парчиња накит што им припаѓале на француски царици. Грабежот го извршила група од четири лица, од кои двајца провалиле во музејот, објавија француските медиуми.
Лувр е отворен во 1793 година и е најпосетуваниот музеј во светот.
Дуров се врати во Дубаи во март оваа година. Во август 2024 година, тој беше уапсен на аеродромот во близина на Париз, а потоа против него била покрената официјална истрага и му била забранета да ја напушти територијата на Франција.
Дуров потврди дека поминал неколку месеци во Франција „поради истрага поврзана со активностите на криминалците на Телеграм“.
„Процесот е во тек, но прекрасно е чувството да се биде дома“, рече Дуров и им се заблагодари на истражните судии кои му дозволија да ја напушти Франција.
