Аеродромот во литванскиот главен град Вилнус повторно мораше привремено да ги прекине операциите поради сомнителни балони во воздушниот простор, објавува британскиот весник „Гардијан“.
За време на 11-часовното затворање синоќа, беа забележани дури 57 балони.
Засегнати беа повеќе од 50 летови, што го наруши патувањето на над 7.000 патници.
Проблемот со балоните се повторуваше во последните недели.
Литванија постојано ја обвинуваше Белорусија дека им дозволува на шверцерите да користат балони, првенствено за транспорт на шверцувани цигари, и накратко ги затвори двата гранични премини со земјата.
Заменик-министерот за одбрана на Литванија, Каролис Алекса, рече дека проблемот е „во оваа интензивна, активна фаза (веќе неколку месеци)“, нагласувајќи дека станува збор за „хибридна активност против Литванија“.
Тој додаде дека ова е неприфатливо и дека Литванија сака да преземе „национални мерки за справување со ситуацијата“.
Алекса рече дека Литванија ќе инсистира на „политички притисок“ како одговор.
ИЗДВОЕНИ
Газдата на „Дурмо турс“ по трет пат го одложи затворот, оперира кила на другиот тестис
Пензионерите во одбрана на линеарното пресметување на пензиите протестираат пред Уставен/ФОТО
Град Скопје ќе го крои буџетот за 2026 година заедно со граѓаните – отворен повик за идеи и предлози до скопјани
Едномесечен пробен период на „Безбеден град“: Од денес се снимаат сообраќајни прекршоци – во декември опомени, казни од јануари догодина
