Вчера точно напладне двајца Романци ограбиле златарница во Градскиот трговски центар. Полицијата ги уапси и за нив ќе има брза постапка бидејќи се странски државјани.
Ги уапсила интервентната полиција при бегство со украденото злато. Двајцата се млади полнолетници на 19 години.
-Имено, претходно, тие влегле во златарницата и побарале да разгледаат златен накит, а откако била извадена футрола со употреба на сила ја земале од вработената и побегнале. Набргу, по преземени мерки, на излез од трговскиот центар се фатени и лишени од слобода и кај нив се пронајдени 43 парчиња златен накит. Одземеното е вратено на сопственикот и по целосно документирање на случајот, против нив ќе следува соодветна пријава.
