Дроновите над аеродромите во Данска се хибриден напад, но кој стои зад него?

Данскиот министер за одбрана изјави дека прелетите на беспилотни летала над неколку аеродроми во земјата синоќа биле „хибриден напад“, дека зад него стои „професионален актер“ и дека тоа претставува „систематска закана“.

Министерот Троелс Лунд Поулсен, кој денес зборуваше на прес-конференција, не можеше да каже кој стои зад прелетите.

Тој рече дека беспилотните летала биле лансирани „локално“ и дека полицијата започнала истрага, објави Би-Би-Си.

Тој исто така рече дека нема докази за руска вмешаност, но дека Данска го покренала прашањето со НАТО и може да го искористи Член 4 за да свика состанок по ова прашање.

Неидентификувани беспилотни летала беа забележани над четири аеродроми во Данска синоќа, што предизвика сообраќајот на еден од нив да биде прекинат неколку часа, соопшти полицијата.

Бронтовите беа забележани на аеродромот Алборг на север, втор по големина во земјата, кој беше затворен неколку часа, како и на аеродромот Есбјерг на запад, Сендерборг и воздухопловната база Скридструп на југ.

Ова доаѓа откако неидентификувани дронови веќе прелетаа над аеродромите во Копенхаген и Осло во соседна Норвешка претходно во понеделник, прекинувајќи го воздушниот сообраќај неколку часа.

Неидентификувани беспилотни летала беа забележани над четири аеродроми во Данска синоќа, што предизвика сообраќајот на еден од нив да биде прекинат неколку часа, соопшти полицијата.

Дроновите беа забележани на аеродромот Алборг на север, втор по големина во земјата, кој беше затворен неколку часа, како и на аеродромот Есбјерг на запад, Сендерборг и воздухопловната база Скридструп на југ.

Ова доаѓа откако неидентификувани дронови веќе прелетаа над аеродромите во Копенхаген и Осло во соседна Норвешка претходно во понеделник, прекинувајќи го воздушниот сообраќај неколку часа.

Данскиот министер за одбрана изјави дека постои можна врска помеѓу упадите со дронови во Копенхаген претходно во текот на неделата и дроновите синоќа, но немаше конкретни заклучоци.

Министерот рече дека ќе има такви хибридни напади, дека технологијата брзо напредува и дека нема единствено решение за проблемот. Тој рече дека тоа е загрижувачко и дека неговото министерство сериозно ја сфаќа ситуацијата.

По „глобална проценка на ситуацијата“, полицијата и армијата одлучија да не ги соборуваат дроновите, особено за безбедноста на цивилите, изјави началникот на Генералштабот на данската армија, Михаел Хилдегард, на прес-конференција, а пренесе агенцијата Франс-прес.

„Не ги приведовме операторите на дронови“, соопшти претходно локалната полиција.

Полицијата соопшти дека дроновите летале со светла и можеле да се видат од земја, но не биле во можност да го утврдат типот на дронот или причината за прелетувањето.

Данската влада, која нагласува дека нема „директна воена закана“, објави дека ќе набави нова опрема за „откривање и неутрализирање на беспилотни летала“.

„Целта на овој вид хибриден напад е да сее страв, да се создаде поделба и да нè заплаши“, рече министерот за правда Петер Хумелгард.