Руската амбасада во Шведска повторно беше нападната со дрон, од кој беше фрлена пластична кеса со боја, соопшти денес дипломатската мисија.
„Рано наутро на 7 септември, руската амбасада во Шведска повторно беше изложена на напад со дрон, од кој беше фрлена пластична кеса со боја на територијата на дипломатската мисија. Претходниот напад со дрон врз амбасадата се случи на 25 мај. Потоа, на 17 јуни, 5 јули и 21 август, руската трговска мисија во Стокхолм беше изложена на вакви напади“, се вели во соопштението на дипломатската мисија на нејзиниот Телеграм канал, кое го пренесува новинската агенција РИА.
Во соопштението се наведува дека нападите со дрон врз руската амбасада и трговската мисија во шведската престолнина траат повеќе од една година и дека тие станаа практично систематски феномен.
ИЗДВОЕНИ
Сообраќајките ја чинат државата повеќе од 400 милиони евра годишно, повеќе од целиот армиски буџет
Крената Шенген-рампата и за камионџиите и за автобусчиите
Децата цел на разбојници – ќе се врати ли „маалскиот полицаец“ да нè чува?
Убава вест од Брисел: Професионалните возачи ќе можат да влегуваат во Шенген зоната без да им се бројат деновите за престој!
