Еден ден откако двајца припадници на Националната гарда беа ранети во пукотница во Вашингтон, a утрово гардистката почина од тешките повреди, американскиот претседател Доналд Трамп ја објави својата намера „трајно да ја суспендира имиграцијата од сите земји од третиот свет“.
Инцидентот веднаш стана политичка јаболка на раздорот, бидејќи Белата куќа воведува уште построги мерки против имигрантите.
Во порака објавена доцна во ноќта на социјалните мрежи, претседателот прво упати честитки за Денот на благодарноста, а потоа објави дека неговата администрација планира да „ги укине сите федерални бенефиции и субвенции за нерезиденти“ и да ги отстрани „секој што не е нето добивка за Америка“.
Сепак, не беше објаснето како може да се спроведе таква сеопфатна „пауза“ за имиграцијата, особено имајќи предвид дека претходните обиди наидоа на отпор од судовите и Конгресот.
Трамп претходно објави дека Сара Бекстром, една од двајцата ранети припадници на гардата во близина на Белата куќа, починала во болница. Властите се сомневаат дека напаѓачот бил Рахманула Лаканвал, Авганистанец кој пристигнал во САД во 2021 година како дел од програмата на Бајден за евакуација од Авганистан.
Say their names!
Andrew Wolfe, 24, and Sarah Backstrom, 20 pic.twitter.com/n7EynJ3QsT— kathy nichols (@kathnich169) November 27, 2025
Ен-Би-Си објави дека 20-годишната Бекстром била дел од 863-та воена полициска чета. Трамп ја опиша како „многу почитувана, млада, прекрасна личност“.
Другиот ранет гардист, 24-годишниот Ендру Волф од американските воздухопловни сили, е сè уште во сериозна состојба.
Трамп нареди проверка на зелените карти на имигранти од 19 земји: Кои се на листата?
ИЗДВОЕНИ
„Ден без купување“ како противотров“ за „Црниот петок!“
Родилиштата тивки, статистиката алармантна: Бела чума ја пустоши Македонија, за девет месеци исчезнал еден град колку Дојран!
Аранжманите за Грција со „блек фрајдеј“ попусти одат како алва
Македонија ќе куртули од нафтена криза, продуктоводот ќе не направи регионален играч
