Драматични сцени во Германија: Автомобил удри во толпа луѓе – возачот веднаш е приведен

Драма со повеќекратни повреди во центарот на германскиот град Пасау. Маж (48) денес влетал со својот „Мерцедес“ во толпа луѓе.

Инцидентот се случил околу 15:30 часот на Гринауштрасе, во близина на главната железничка станица во баварскиот град на три реки.

Полицијата го уапси возачот.

Портпаролот на полицијата во Штраубинг изјави:

„38-годишната сопруга на мажот и неговата петгодишна ќерка биле исто така во групата од пет лица. Моментално имаме едно умерено повредено лице и четворица полесно повредени. Првите разговори со сведоците во групата укажуваат на спор за старателство.“

Спасувачите превезоа најмалку три тешко повредени лица во болница.

Останува нејасно дали возачот намерно влегол во толпата.

„Во овој момент, не може да се исклучи дека човекот намерно удрил со своето возило во група луѓе“, соопшти полицијата.

Противпожарната бригада е исто така на местото на настанот и го блокира патот.

Полицијата итно бара од сведоците кои го виделе инцидентот да се јават во Одделот за кривични истраги во Пасау.