Привршува поставувањето на најсовремената опрема во новото кино во Драчево кое се наоѓа во рамките на Домот на културата. Градоначалникот на Општина Кисела Вода, Орце Ѓорѓиевски, информираше дека по две децении, веќе оваа есен ќе започнат и првите кинопроекции во ова кино во Драчево.
– Покрај Кисела Вода, сега и драчевци ќе бидат дел од „Киноверзум“ и ќе имаат можност да уживаат во најновите филмски достигнувања и најголемите светски хитови, блиску до својот дом. Жителите на Драчево веќе нема да мора да патуваат километри за да го доживеат филмското искуство. Сега, културата доаѓа кај нив, достапна, блиска и современа – нагласи Ѓорѓиевски
