Јавното претпријатие „Комунална хигиена“ започна со замена на дотраените пластични контејнери со зафатнина од 3,2 кубни метри.
Оттаму информираат дека на локациите каде што досега се употребуваа стари и дотраени садови, се поставуваат сосема нови садови, наменети за фрлање на комуналниот отпад.
Досега се заменети контејнерите на 20 локации во следниве скопски општини: Ѓорче Петров – на улиците „Васил Чакаларов“, „Ѓорче Петров“ и „Никола Пушкаров“; Карпош – на улицата „Рузвелтова“; Центар – на булеварите „Митрополит Теодосиј Гологанов“ и „Партизански одреди“ и на улиците „Орце Николов“ и „Кочо Рацин“; Чаир – на булеварите „Филип Втори“ и „Крсте Петков Мисирков“ и на улицата „Џон Кенеди“.
ЈП „Комунална хигиена“ соопшти дека и во претстојниот период ќе продолжи со активностите за замена на старите пластични контејнери во сите скопски општини.
ИЗДВОЕНИ
КАДЕ ЌЕ СЕ ВОДАТ НАЈГОЛЕМИТЕ ИЗБОРНИ БИТКИ НА ЛОКАЛНИТЕ ИЗБОРИ?: Чаир, Тетово, Гостивар, Струга, Кочани… политички бојни полиња
150 години од раѓањето на Манданата – загинал со порака за Македонија
Независни за Карпош се откажаа од правење партија, на изборите одат со граѓанска листа
Со градење на станови најлесно се легализираат црните пари
