Микаела Шифрин победи во слаломот во Куршевел, Франција. Американската скијачка славеше со вкупно време од 1:42,50, што беше за 1,55 секунди побрзо од второпласираната Камил Раст и 1,71 секунда побрзо од Ема Ајхер, која го освои третото место.
Шифрин беше најбрза во првото возење и петта најбрза во второто, што заедно доведе до доминантна победа. Најдобрата скијачка во светот на тој начин ја продолжи серијата од пет последователни победи во слалом, вклучувајќи ги сите четири победи оваа сезона. Нивото на доминација е очигледно во фактот дека таа не славеше со помалку од секунда предност во однос на второпласираната во ниту еден слалом.
Ова за неа е 105-та победа во кариерата и 62-ра во слалом. Таа е лидер во пласманот во слалом со максимални 400 бода, 180 повеќе од второпласираната Лара Колтури и 218 повеќе од третопласираната Раст.
ИЗДВОЕНИ
Мицкоски од Брисел: Ние одамна заслуживме да бидеме во ЕУ, но не сме дел од неа поради вештачки причини
АНКЕТА НА „ЕВРОСТАТ“ ЗА УПОТРЕБАТА НА СОВРЕМЕНИ ТЕХНОЛОГИИ: Секој петти Македонец користи генеративна вештачка интелигенција, најмногу за разговори и за читање вести
Почна групното гушење
Дрвокрадството и пожарите ни изгореа стотини милиони евра, пошумувањето е наша заедничка обврска!
