Избор број еден за луѓе над 50 години.
„Соодветниот внес на витамини може да помогне во спречувањето на хронични заболувања, подобрувањето на физичките и когнитивните перформанси и целокупното здравје, што заедно придонесува за подолг живот“, вели д-р Кевин Кук, експерт за долговечност и мозок во клиниката Авива во Флорида.
Витамин за долг и здрав живот
Ризикот од хронични заболувања се зголемува со возраста, а д-р Кук вели дека внесувањето доволно од еден витамин по 50-годишна возраст може да биде многу корисно, иако многу луѓе не внесуваат доволно од него. Тоа е витаминот Д, за кој д-р Кук вели дека е избор број еден за луѓе над 50 години.
„Витаминот Д е неопходен за одржување на здравјето на коските, зајакнување на имунитетот и намалување на воспалението. Докажано е дека витаминот Д помага при депресија, зголемување на тестостеронот, здравје на коските, здравје на мозокот и подобрување на расположението“, тврди докторот.
Истражувањата го потврдија ова
Фактот дека витаминот Д е важен за луѓе над 50 години не е само мислење на д-р Кук. Студија од 2023 година покажа дека 20 проценти од возрасните на средна и постара возраст во Соединетите Американски Држави имале недостаток на витамин Д, што го зголемило ризикот од смрт од други причини.
Студија од 2022 година во Кина на луѓе на возраст од 60 до 113 години покажа дека луѓето кои немале недостаток на витамин Д имале помал ризик од смрт. Разликата била особено изразена кај жените.
