Додик организираше вонредна седница во парламентот на РС за повторно да зборува за своите видувања на состојбата во БиХ, а притоа тврдеше дека во позадината на денешната криза во БиХ е “обид за запленување“ на минералното богатство кое го спроведува високиот претставник Кристијан Шмит, нарекувајќи го „агент за недвижности“.
Тој ја престави понудата на САД, односно на администрацијата на Доналд Трамп за партнерство, во соработка со Унгарија, Србија, Русија, ЕУ и Кина, во истражување на наоѓалишта на минерали, со услов тие да ги гарантираат правата или „суверенитетот на Република Српска“.
„Во тој случај, ние сме ваши (САД) партнери во овој бизнис“, рече сегашниот претседател на РС, кој е под санкции на САД од 2017 година.
Додик ова можеше да го каже само пред своите истомисленици бидејќи неговиот говор во Народното собрание на РС го бојотираа пратениците на опозицијата.
Обраќајќи се на пратениците од неговата владејачка коалиција, јавноста и „пријателите низ целиот свет од Вашингтон, Москва до Пекинг“, тој рече дека Дејтонскиот договор не е идеален, но, како што тврди, ги отстранил причините за војна и е рационален документ затоа што дефинирал систем во кој БиХ може да функционира како заедница од два ентитета и три составни народи. Тој исто така тврдеше дека „Дејтон“ постојано се почитувал во РС, додека бошњачката страна упорно, дури и денес, инсистира на концептот на БиХ, што доведе до војната.
„Ние сме тие што го почитуваат „Дејтон“ и го бранат мирот“, рече тој, опишувајќи ја БиХ како „федерално-конфедерална унија“ на два ентитета и три составни нации.
„Повикувам на директни разговори со Федерацијата на Босна и Херцеговина за враќање кон основите на „Дејтон“. Резултатот би можел да биде „моделиран Дејтон““, рече тој.
Тој тврдеше дека ова не значи сецесија и ескалација на кризата, туку враќање кон оригиналното толкување на мировниот договор, но додаде дека оние што одбиваат дијалог „ја туркаат РС кон сецесија“.
Го пофали Трамп, односно најавите дека ќе престане да се меша во проблемите на другите земји и заклучи дека затоа Америка е „повторно голема“ денес.
ИЗДВОЕНИ
Скопје и Софија како во басна – „лавот и глушецот“ во дипломатска арена
Данела Арсовска и вработени во Град Скопје нападнати во Чаир – завршија на ургентен
Младите бегаат од градежништво и индустрија и бараат столче во администрација
Во име на починатите пациенти ќе сведочат најблиските, преку 29 досиеја јавноста ќе дознава за несовесното лекување
