Комисијата за општествени дејности при Советот на Општина Струмица распиша конкурс за доделување на општинската награда „Свети петнаесет тивериополски свештеномаченици“, а по повод 11 Декември, Денот на заштитниците на градот.
Годишната награда се доделува на правни и на физички лица од Општина Струмица, Македонија и од други држави, како и на меѓународни организации и асоцијации и на нивните претставници за посебни остварувања во: стопанството, науката, уметноста, културата, воспитувањето и образованието, здравствената заштита, социјалната заштита, спортот, техничката култура, заштитата и унапредувањето на животната средина и природата, како и во сите други сегменти од животот, кои дале посебен придонес за развој и афирмација на Општина Струмица во државата и пошироко.
Годишната награда се доделува за остварувања реализирани во период од една година, сметано од завршувањето на огласот и за остварувања во период подолг од десет години, како награда за животно дело.
Конкурсот трае заклучно со 20 ноември 2025 година.
