Градоначалникот на Општина Центар, Горан Герасимовски, денеска додели осум стипендии за ученици што доаѓаат од социјално загрозени семејства.
– Секое дете заслужува еднаква шанса. Продолжете да учите, да се трудите и да ги следите своите соништа. Успехот доаѓа кога веруваме во себе и кога не се откажуваме – порача Герасимовски.
Тој додаде дека со ова, вкупниот број доделени стипендии во учебната 2025/2026 година достигнал 138, во областите наука, спорт, култура и социјална поддршка.
Општина Центар продолжува да ги поддржува сите ученици што, со своите резултати и успеси, покажуваат посветеност, труд и желба за напредок.
