Ако страдате од дијабетес, чир на желудник, бронхитис или висок крвен притисок, чајот од лист од смоква е вистински спасител.
Листовите од смоква се богати со антиоксиданси и влакна. Меѓу другото, тие содржат витамини А, Б1 и Б2, како и минерали калциум, железо, манган, фосфор, калиум и натриум.
Иако овошјето не се препорачува за дијабетичари поради високата содржина на шеќер, листовите од смоква се многу здрави и корисни за оваа група луѓе бидејќи помагаат во регулирањето на нивото на шеќер во крвта.
Добрата вест е дека со пиење чај, дури можете да спречите дијабетес бидејќи ќе ја зголемите чувствителноста на инсулин.
Листовите од смоква се особено препорачуваат за проблеми со уринарниот и дигестивниот тракт.
Нивната консумација помага во намалување на високиот крвен притисок и нивоата на триглицериди во крвта, со што се обезбедува дополнителна заштита на срцето и крвните садови.
Иако одредено ниво на триглицериди е неопходно за добро здравје, вишокот триглицериди во телото значително го зголемува ризикот од дебелина и срцеви заболувања.
Листовите од смоква особено помагаат во намалувањето и регулирањето на триглицеридите во крвта.
Предности на листот од смоква: го регулира нивото на шеќер во крвта; помага при губење на тежина; го стабилизира крвниот притисок; ги намалува триглицеридите; ги зајакнува коските; помага при кожни заболувања; помага при анемија; ги ублажува чиревите на желудникот; спречува запек; го подобрува здравјето на срцето и крвните садови; помага при афти.
Можете да користите зелени и црни листови од смоква, тие се подеднакво лековити.
Освен што од нив правите чај, можете да ги џвакате и листовите, што е одлично за чиревите на желудникот.
Сушење на листовите
Кон крајот на пролетта, летото или есента, наберете здрави и цели листови од смоква од дрвото и распоредете ги на површината каде што ќе ги исушите.
Исушете ги во сенка, на темно и проветрено место. Можете да препознаете дека листовите се суви по тоа што се собираат и се распаѓаат под прстите кога ги стиснувате. За да се исушат побрзо, можете малку да ги искинете пред да ги исушите.
Кога ќе се исушат, згмечете ги и оставете ги во стаклена тегла со капак.
Чај од смоквини листови
Од здравствени причини, се препорачува да пиете чај од смоквини листови секој ден околу еден месец, а потоа да направите пауза од неколку недели за повторното консумирање да има ист силен лековит ефект.
Помош при дијабетес
Прелијте 2 лажички суви листови од смоква со чаша (200 мл) врела вода. Покријте и оставете да отстои 10-15 минути. Потоа процедете. Пијте по една чаша од овој чај секое утро со појадок.
Помош при чир на желудник и чиреви во устата
Добро џвакајте 2 нежни листови од смоква секој ден и голтајте ги. Освен што помагаат при чир во желудникот, тие ќе ви го освежат здивот и ќе ги ублажат непријатните авти во устата.
