Есенската сеидба на јачменот и на пченицата во Источна Македонија е во застој поради обилните врнежи од дожд што ги поплавија нивите. Досега останаа непосеани околу 40 % од површините планирани за засејување со житни култури.
Земјоделците стравуваат дека задоцнетата есенска сеидба ќе значи и помалку произведено количество јачмен за стоката и лебно зрно за луѓето.
Експертите предлагаат земјоделците да почнат со сеење на пролетни или на факултативни сорти на житни култури кои можат да виреат и во зимскиот и во пролетниот период. Според нив, земјоделците предност ѝ даваат на есенската сеидба, зашто приносите на житните култури се повисоки. Просечно годишно македонските земјоделци произведуваат околу 250.000 тони пченица, но овие приноси не се доволни. За да се покријат основните потреби на населението, пченица увезуваме од странство.
ИЗДВОЕНИ
Трет мандат за Мицкоски – лидерска визија или партиска транзиција? – Аналитичарите за пораките на лидерот на ВМРО-ДПМНЕ од конгресната говорница
Новогодишната магија на Скопје ќе чини 53 илјади евра, сè уште не се знае кој ќе ги забавува скопјани за дочекот на новата година
ЖИВОТНИ ПАТОКАЗИ, ЗОРАН КРСТЕВСКИ: Судбина
На Попова Шапка креирани 243 статии на македонски јазик
