Добри вести од берзата – нафтата ја раситни стотката!

Цените на нафтата денес паднаа под 100 долари за барел, а европските индекси забележаа силен раст откако американскиот претседател Доналд Трамп изјави дека американската војска би можела да ги заврши своите воени операции во Иран во рок од две до три недели, а други земји ќе ја преземат одговорноста за повторно отворање на Хормускиот Проток.

Трамп, исто така, рече дека ќе се обрати до американскиот народ за војната на Блискиот Исток во четврток во 3 часот наутро по средноевропско време, објави CNBC.

Според податоците на берзата, цената на суровата нафта падна за 4,23% на 97,089 долари за барел во 9:30 часот наутро, додека цената на суровата нафта од типот Брент падна за 4,1% на 99,704 долари.

Индексот DAX на Франкфуртската берза порасна за 3,02 проценти на 23.315,72 поени, францускиот CAC 40 порасна за 2,32 проценти на 7.998,52 поени, британскиот FTSE 100 порасна за 1,76 проценти на 10.353,26 поени, а московскиот MOEX порасна за 0,21 процент на 2.782,03 поени.

Европските фјучерси за гас за мај се тргуваа по цена од 49,765 евра за мегават-час на отворањето на берзата TTF во Амстердам. Цената на златото се искачи на 4.732,22 долари за тројанска унца, а цената на пченицата падна на 6,0708 долари за бушел (еден бушел е 27,216 кг).

Вредноста на еврото во однос на доларот на берзата Форекс е 1,15880 долари, што е за 0,3 проценти повеќе отколку на почетокот на тргувањето, пренесува Танјуг.

Според податоците од американските берзи, индексот Дау Џонс порасна за 2,49 проценти на 46.341,51 поени на затворањето на тргувањето во вторник, S&P 500 порасна за 2,91 процент на 6.528,52 поени, а индексот Насдак порасна за 3,83 проценти на 21.590,63 поени.