Доаѓа вистинска есен со голем пад на температурите: Нѐ очекува динамично време, а снегот најверојатно ќе подрани

Уживајте до четврток во убавото време со многу сонце. Веќе од петок, па во деновите потоа во нашата Република Македонија ќе дојде до значителна промена на времето проследена со зголемена облачност, повремени локални врнежи од дожд, повремено поројни и пообилни и проследени со грмежи како и со умерен, а во Повардарието повремено засилен ветер од јужен и од југоисточен правец, најавува метеорологот Попоски.

Што се однесува до температурите, од петок (26 септември) а особено за викендот значително ќе опаднат и за повеќе од 10 степени во споредба од оние кои ги имаме сега и максималните дневни температури на воздухот за време на викендот ќе се искачуваат во интервалот само од 14 до 21 степен.

Ни започнува есента, според она што можам да го кажам за пртстојната есен 2025, според Европскиот модел за Среднорочна прогноза (ECMWF) не очекува динамична атмосфера над нашиот дел од Европскиот Континент. Тоа значи дека ни следува многу променлива есен, ќе има и почести врнежи од дожд и пониски температури на воздухот за разлика од изминатите години, сепак и порај ова не значи дека нема да имаме топли есенски денови со многу сонце.

Особено повеќе врнежи може да очекуваме во почетокот, како и во втората половина од есента.

Со оглед на тоа дека на Пацификот значително зајакна Ла Ниња (Ладниот Климатолошки феномен) и токму ова ќе трае во текот на оваа есен како и во зимските месеци, треба да очекуваме почести ладни продори од север, особено во втората половина од есента, а повремени ладни продори ќе имаме по се изгледа и во првата половина од есента. Со ова треба да очекуваме дека снегот оваа година може да ни присатигне порано, и тоа уште во ноември месец и во пониските предели, додека на планините снегот треба да го очекуваме уште во октомври месец.

НАПОМЕНА: Долгорочните анализи на времето се со помала веројатност за остварување во целост, тоа значи дека промени во анализата се можни, токму поради ова граѓаните да ги следат моите краткорочни метео анализи кои се со 90% па и повеќе од 90% со можност за остварување, вели Славчо Попоски во својата последна прогноза.