Албанските опозициски пратеници се судрија со полицијата во парламентот денеска, по неколкунеделните тензии околу обвинувањата за корупција против заменичката на премиерот Еди Рама, Белинда Балуку и други функционери.
Пратениците запалија ракети, фрлаа вода кон претседателот на парламентот и ги зазедоа местата резервирани за министрите во обид да ја прекинат седницата, пред полицијата да интервенира, објави Ројтерс.
„Нема место во парламентот за оние што крадат и бегаат. Законот и само законот мора да преовлада“, рече Сали Бериша, лидер на опозициската Демократска партија.
Инцидентот се случи откако членовите на Демократската партија (ДП) ја блокираа говорницата и министерските места, спречувајќи го нормалното функционирање на парламентот.
Членовите на опозицијата се судрија со членовите на обезбедувањето, додека во салата беа фрлани димни бомби. За време на инцидентот, пратениците на ДП го повикаа парламентарното мнозинство да ја „предаде на законот“ вицепремиерката и министерка за инфраструктура и енергетика Белинда Балука.
Специјалниот првостепен суд за корупција и организиран криминал (ЃККО) на 19 ноември одлучи да ја суспендира Балука од функцијата, додека Уставниот суд привремено ја суспендираше одлуката до понатамошно разгледување на случајот.
Опозицијата, исто така, се спротивстави на парламентарната постапка за избор на Ендрит Шабани за народен правобранител, кој беше избран на 12 декември.
Шабани денес положи заклетва пред пратениците и официјално ја презеде функцијата, и покрај тензиите.
ИЗДВОЕНИ
ИЗМЕНИТЕ ВО КРИВИЧНИОТ ЗАКОНИК СТИГНАА ВО СОБРАНИЕТО – Се зголемуваат казните: наместо пет, за злоупотреба на службената должност до десет години затвор
Скопје урива рекорди по отровен воздух, државата скрои мерки за Струмица и за Кичево
Две кошници, едно прашање – со колку навистина може да се живее?
Кочница за бесните возачи – пакетот закони за „Безбеден град“ летаат низ собранискиот филтер
