Холивудската ѕвезда Леонардо ДиKаприо (50) и израелската градежна компанија Хагаг Груп добија зелено светло за изградба на спектакуларен хотел на престижна локација веднаш до Херзлија Марина, луксузна плажа во близина на Тел Авив.
Комисијата за планирање и градежништво на градот Тел Авив минатата недела даде конечно одобрение за проектот, отворајќи ја вратата за една од најамбициозните хотелски инвестиции во земјата.
Проектот го развива Хагаг Марина Херзлија ДООЕЛ, подружница на моќната Хагаг Груп, управувана од браќата Кахи и Идо Хагаг. Новиот хотел ќе се протега на импресивни 51.000 квадратни метри, со дозволена висина до 14 ката – драстичен скок од првичните 10.000 квадратни метри во времето на купувањето на земјиштето, објавија израелските медиуми.
Israeli luxury hotel project partnering with Leonardo DiCaprio gains approval https://t.co/Hgnec6unAR
— Ynetnews (@ynetnews) July 28, 2025
Покрај две згради со 365 хотелски соби, проектот вклучува голем базен, конференциски центар, ресторан од висока класа, комерцијални објекти, како и подземен простор од 8.000 квадратни метри, од кои 1.500 квадратни метри се наменети за основната функција на комплексот. Посебна атракција ќе биде луксузната марина за јахти со директен пристап до хотелот, која ќе им овозможи на гостите да пристигнуваат по море, објави Jutarnji.hr.
Проектот е потпишан од израелското студио Rani Zis Architects, а она што дополнително го издвојува од конкуренцијата е неговиот силен фокус на одржливост.
Целта е хотелот да биде еден од најнапредните во Израел во однос на еколошката одржливост и енергетската ефикасност.
Холивудскиот актер поседува 10 проценти од акциите во луксузниот комплекс, а проектот е усогласен со LEED стандардите на Американскиот совет за зелена градба, што значи дека ќе се применуваат одржливи практики во областите на енергетска ефикасност, заштеда на вода, избор на локација, употреба на материјали и квалитет на внатрешната средина.
И додека екологијата е важна за ДиKаприо, овој проект предизвика огромен јавен гнев бидејќи тој „очигледно не е допрен од злосторствата извршени од Израелците во Газа“, а некои дури повикуваат на бојкот на неговите филмови.
„Нема да гледам ништо негово повеќе“, „Ова е одвратно“, „Еколошки свесен? Во соработка со земја што ги изгладнува децата? Тоа е прашање на избор“, „Го крие лицето додека е со Џеф Безос и неговата сопруга, но не се срами да ги продолжи своите планови за изградба на луксузен хотел во земја што моментално спроведува етничко чистење на своите соседи“, беа само некои од коментарите за најавениот проект.
Hollywood Star & Climate Activist Leonardo DiCaprio is under fire for building a ‘Luxury Yacht Hotel’ in Israel.
You can’t be a Climate Doomsday Alarmist & then build Hotels designed for Billionaires with private yacht’s. pic.twitter.com/tcSpN3C2ah
— Concerned Citizen (@BGatesIsaPyscho) July 31, 2025
