Џошуа се враќа во рингот, олимписки шампион ќе му биде противник

Британскиот боксер Ентони Џошуа (35) се подготвува да се врати на рингот по речиси една година отсуство. Неговиот последен настап беше во септември минатата година, кога беше брутално поразен во обидот да стане светски шампион по трет пат, а титулата потоа ја зеде неговиот сонародник Даниел Дубоа. Џошуа, по поразот, беше подложен на мала операција на лакотот и му се посвети на закрепнувањето.

Пред поразот од Дубоа, тој беше во многу добра форма, со импресивни победи против Ото Валин, Роберт Хелениус и против Франсис Нгану. Сега се обидува да ја врати својата форма и да се бори за уште еден напад на титулата.

Неговото име се споменуваше во последните месеци во контекст на можни натпревари против Џејк Пол и Деонтеј Вајлдер, додека дел од јавноста сè уште се надева на борба со Тајсон Фјури. Сепак, нова опција би можел да биде францускиот олимписки шампион, Тони Јока.

Поранешниот европски шампион, Спенсер Оливе,р зборуваше за можноста за борба меѓу Џошуа и Јока во интервју за „talkSPORT Boxing“.

– Мислам дека постои голема можност за таа борба. Двајца олимписки златни медалисти еден против друг, одлично сценарио! Тони Јока се обидува да ја оживее својата кариера откако загуби од Карлос Такам. Тој сега е во серија од три победи, последната во мај. Тој е во фаза на обнова, исто како и Еј-Џеј. Има смисла, нели? Би била одлична и комерцијално привлечна борба. Би сакал да ја гледам – рече Оливер.

Јока е олимписки шампион од 2016 година и има историја со хрватските боксери.

Јока (33), францускиот тешкаш, го освои олимпиското злато во Рио во 2016 година и стана професионалец една година подоцна. На почетокот од својата кариера, тој ги победи Дејв Ален, Кристијан Хамер и Јохан Духапас, но серијата беше прекината со трите последователни порази од Мартин Баколе, Карлос Такам и од Ријад Мерхи. Во меѓувреме, тој се врати на победничките патеки и забележа три последователни триумфи.