За време на разговор преку FaceTime со поранешниот соиграч Лео Остигард, најдобриот фудбалер во дресот на Спортин од Лисабон, Виктор Џокереш, се чини дека „случајно“ открил за кој тим ќе потпише ова лето.
Шведскиот интернационалец беше еден од најдобрите играчи на Спортинг минатата сезона и ја освои втората последователна титула со тимот, постигнувајќи 54 гола и додавајќи 13 асистенции.
Кога Рубен Аморим потпиша за Манчестер Јунајтед, многумина веднаш почнаа да го преселуваат Џокереш во овој клуб бидејќи е јасно дека на „Олд Трафорд“ навистина му е потребен добар напаѓач.
Покрај Манчестер Јунајтед, голем интерес за неговите услуги покажуваат и од Емирати. Арсенал го сака Џокереш и според многу медиуми, токму „топџиите“ водат во битката за потписот на овој играч.
Во неодамнешен разговор со поранешниот соиграч Лео Остигард, младиот напаѓач најверојатно открил каде ќе ја продолжи кариерата.
Сè се случи во подкаст што го водеше Бернт Хулскер, кој веднаш праша каде Џокереш ќе ја продолжи кариерата.
„Каде одите ова лето? Дајте ни индикација? Дали е тоа Арсенал? Кои се другите опции?“, праша Хулскер.
Џокереш веднаш рече дека ќе мора да почекаат и да видат.
„Никој сè уште не знае ништо. Жалам што немам некои смешни одговори, но тоа е сè што можам да кажам во моментов“, изјави напаѓачот на Спортинг.
Неколку минути подоцна, Остигард очигледно го измами Џокереш.
„Виктор, беше убаво да те слушнам. Ќе се видиме наскоро и прати ми порака кога ќе завршиш со Арсенал“, рече Остигард.
„Да, секако дека ќе го сторам тоа“, одговори Џокереш.
Многумина веруваат дека ова не бил намерен одговор од Џокереш, туку дека несвесно открил каков ќе биде следниот негов чекор во фудбалската кариера.
