Навивачите на Арсенал со задоволство ја примија веста за доаѓањето на Виктор Џокереш, шведскиот репрезентативец и еден од најбараните напаѓачи во овој преоден рок.
Поранешниот играч на Спортинг потпиша за лондонскиот клуб во трансфер кој, со бонуси, би можел да достигне вредност од 75 милиони евра, што го прави едно од најскапите засилувања во историјата на Арсенал.
Иако бројни европски гиганти беа заинтересирани за неговите услуги, Џокереш отсекогаш имаше јасен став.
- Многу клубови беа вклучени, но јас само сакав да дојдам во Арсенал. Ова е најдобриот клуб за мене. Не беше лесен трансфер. Некои луѓе постојано зборуваа во медиумите. Мислеа дека ги штитат интересите на клубот, порача Швеѓанецот во својата прва изјава по потпишувањето на договорот.
Џокереш претходно имаше искуство играјќи на Островот, каде што не успеа да остави значаен белег. Сепак, тој доживеа целосно преродба во португалскиот клуб Спортинг – во последните две сезони постигна импресивни 97 гола на 102 настапи, привлекувајќи го вниманието на клубови од цела Европа.
Раководството на Арсенал, предводено од Микел Артета, верува дека Џокереш е токму она што му недостасуваше на тимот во врвот на нападот. Се очекува Швеѓанецот да донесе дополнителна сила, изведба и постојана закана за головите на противничкиот тим.
Со оваа аквизиција, Арсенал испраќа јасна порака: желбата да се бори за титулата во Премиер лигата и да направи поголем скок во европските натпреварувања. Џокереш би можел да биде клучна фигура во таа амбиција.
