Шестото издание на „Котон блуз фестивал“, што годинава се одржува во четири вечери, од 21 до 27 ноември во „Roosty“ во Скопје, ќе биде со девет концертни настапи и изложба.
Покрај деветте концерти во главната програма, на фестивалот има и придружна програма, арт-колонија (што се одржува по третпат), како и гитарска работилница со Павеза, кој последнава година беше на турнеја во Азија и Европа.
На фестивалот ќе се случат и три промоции на албуми на македонски проекти од нашата блуз-сцена. Ќе настапи легендарен блуз-гитарист од Англија и американски добитник на Греми, кои се главните обележја на шестото издание на фестивалот.
Тој специјално доаѓа во Скопје за „Котон блуз фестивал“.
Норман Бикер (Norman Beaker) е легенда на британската блуз-сцена и член на „Блуз хол оф фејм“ (Blues Hall of Fame). Досега има настапувано со Б.Б. Кинг, Џек Брус, Крис Фарлоу, Алексис Корнер, Грахам Бонд, Ерик Бардон, Пол Џонс, Бади Гај, Јон Лорд, Чак Бери, Тони Ештон и многу други.
Тони Холидеј е познат на скопската блуз-публика и ова е вторпат што доаѓа во нашава земја. Тој доаѓа со негов бенд и ќе настапи со познати блуз-класици, како и материјал од неговите соло албуми.
Во концертната програма ќе настапат и „Рене сингс д блуз“, „Д Мол пак“ (The Mole Pack), Александар Пешевски, „Џони Кеш трибјут“, „Кросроуд блуз бенд“. Фестивалот ќе го отвори Иги Мен Квартет со еден специјален гостин – гитаристот Ади Имери, а концертот ќе се одржи на 21 ноември, со почеток во 21 часот.
Во рамките на овогодинешното шесто издание на Котон Блуз фестивалот, се одржува и ликовната колонија. Станува збор за интеракција на ликовни уметници кои сликаат додека музичарите свират.
Нотите и топлиот звук на блуз музика спонтано плива низ линиите, формите и боите на сликарите во еуфоричната атмосфера која ја креира публиката. Оваа година со гордост можеме да најавиме неколку еминентни имиња од сликарската сцена кои го зајакнуваат ликовниот стандард и квалитатвинот легитимитет.
Учесници се: Трајче Чатмов, Милан Андов, Слободан Живковски и Боро Арсовски.
Истовремено важно е да се спомне и дека фестивалот и колонијата имаат и хуманитарен карактер, ликовните дела кои се производ од колинијата ќе бидат допонително изложени и средствата од нивната продажба како и оние собдани од картите секоја година се донираат хуманитарни цели.
Овој хуман чин е замисла на доктор Гого Паскалов, инаку главен организатор на настанот. Музичката програма се состои од 9 концертни настапи на бендови од домашната сцена меѓутоа и од УСА и Велика Британија, Гитарска Работилница и неколку промоции на албуми.
Настанот се оддржува во скопскиот бар “Русти” во два дела. На 21 и 22 ноември ќе настапат квартетот на ИгиМен со Ади Имери како специјален гостин, домашниот блуз бенд „Мол пек“, кој истовремено ќе промовира албум и проектот „Рене пее блуз“, а свое враќање на Котон блуз фестивал ќе има Тони Холидеј од САД, .
Фестивалот ќе продолжи на 26 и 27 ноември, кога ќе има и побогата програма. За овие денови се планирани концертни промоции на албумите на Александар Пешевски и на „Кросроуд блуз бенд“, како и веќе традиционалната гитарска работилница со Јанис Павеза. Свое место ќе имаат и Елвис и „Ин д муд“, кои ќе се здружат во проект посветен на Џони Кеш.
Главните ѕвезди на годинашниот фестивал се оставени за последната вечер, а како такви се најавени легендарниот британски блуз музичар Норман Бикер и американскиот гитарист Хамилтон Лумис.
