Десет лица се повредени откако експлодираше резервоар со бензин во трговски центар во Флорида, предизвикувајќи делумно уривање на зградата, соопшти Противпожарната и спасувачка служба на округот Мајами-Дејд.
„Пожарникарите беа повикани поради пријава за експлозија во трговски центар во Флорида Сити.
Осуммина од повредените беа однесени во локална болница, а двајца во трауматски центар“, изјави Ерика Бенитез, портпаролка на локалната противпожарна и спасувачка служба, објави „Еј-би-си“.
Полицијата со дресирани кучиња реагираше на местото на настанот и утврди дека нема дополнителни жртви.
„Локалните продавници не беа отворени во времето на експлозијата. Истрагата е во тек“, потврди Ерика Бенитез, објави Танјуг.
