Денеска ќе биде распишан огласот за наследник на Димитровска во ДКСК

Собранието денеска ќе го објави огласот за нов претседател на Државната комисија за спречување на корупцијата и судир на интереси по оставката на Татјана Димитровска.

Пријавувањето на кандидатите ќе трае 10 дена од објавувањето во „Службен весник“. Постапката за селекција ќе се води според член 12 од Законот за спречување на корупцијата и судир на интереси.

Клучната антикорупциска позиција остана празна пред локалните избори откако Обвинителството за гонење организиран криминал поднесе обвинение против сега веќе поранешната претседателка за две кривични дела. Изборот на наследник на Димитровска мора да се спроведе во кратки рокови и со јавност на постапката во период кога е институцијата без раководство, а пред врата се локалните избори.

Почнува трката за нов шеф на Антикорупциска, кој ќе го обелува образот по аферата со Димитровска?!