Барселона го победи египетскиот Ал Ахли со 2:1 во последниот пријателски натпревар пред стартот на новата сезона во Ла Лига, а пред почетокот на дуелот беше претставен првиот тим на кој Ханси Флик ќе смета оваа сезона.
Сепак, јасно е дека играчкиот кадар на Барселона сè уште не е комплетен и се очекува спортскиот директор, Деко, да донесе барем уште едно засилување до крајот на преодниот рок.
Главната цел е да се донесе нов напаѓач бидејќи таа позиција остана празна во соблекувалната на Барселона откако Роберт Левандовски и Феран Торес го напуштија клубот.
По натпреварот против Ал Ахли, Деко застана пред камерите и даде изјава, потврдувајќи дека преодниот рок за Барселона сè уште не е завршен.
„Дефинитивно ќе направиме уште неколку потези на трансфер-пазарот“, рече Деко на почетокот на интервјуто.
Сепак, она што стана главна тема на социјалните мрежи беше реченицата со која, како што велат многумина, Деко го „понижи“ Феран бидејќи рече дека нема да биде толку тешко да се замени.
„Изгубивме двајца напаѓачи, Роберто и Феран. Ќе го надоместиме Феран со неколку играчи што ги доведовме и тоа не е проблем, но Роберт е многу тешко да се замени. Тој е Роберт Левандовски, играчот што создаде историја тука. Имаме неколку внатрешни опции, но ќе се обидеме да направиме некои потези“, додаде спортскиот директор на Барселона.
Португалецот се осврна и на засилувањата што успеа да ги донесе ова лето, а особено се издвојува Родри, кој не беше во план.
„Среќни сме за сите засилувања бидејќи имаат смисла. Родри не беше во нашите планови бидејќи мислевме дека е недостапен. Сепак, штом се појави можноста, се одлучивме за него. Тој е еден од најдобрите играчи од средниот ред во светот.“
Кога станува збор за позицијата напаѓач, Хулијан Алварес беше првиот избор, но стана јасно дека Атлетико (М) не сака да го продаде Аргентинецот.
Лаутаро Мартинес се поврзува и со Барса, но не може да се очекува дека Интер ќе го пушти, а се очекува и Деко да посегне по напаѓач кој не е со таква цена како споменатото дуо.
ИЗДВОЕНИ
Западнонилската треска ја шири ризичната карта во Скопје – високоризични 13 зони!
ОЈОГОKК: Нема кој да се жали за модуларните бидејќи нема оштетен, Резолуцијата, сама по себе, не значи дека предметот е затворен, ако има докази ќе се реотвори
Ќе паѓаат ли сметките за струја?
Од љубов до пеперутки – за охридската магија допрва ќе се прераскажува; „Охридско лето“, четириесет дена врвна уметност и рекордна посетеност
