Декември оваа 2025 година во нашата Македонија ќе биде малку потопол од 30 годишниот просек, односно ќе биде потопол за 0.5 до 1 степен, најави Славчо Попоски. Врнежите пак овој декември ќе бидат во просекот за истиот месец а тоа значи дека очекуваме нормално количество на врнежи за месец декември.
Со оглед на тоа дека сме под влијание на ладниот климатолошки феномен ЛА НИЊА можни се исклучоци, односно периоди кога во текот на месец декември ќе имаме и температури под просекот за истиот месец односно да биде поладно од вообичаеното и со многу повеќе врнежи.
Тоа значи дека во текот на месец декември растат условите за појава на снежни врнежи и во пониските предели од нашата Македонија (градовите), прогнозира Попоски.
