Данскиот член на Европскиот парламент, Андерс Вистисен, го привлече вниманието на јавноста откако му испрати груба порака на американскиот претседател Доналд Трамп за време на дискусијата за Гренланд.
За време на сесијата посветена на американскиот интерес за арктичката територија, Вистисен директно му се обрати на Трамп.
„Драг претседателе Трамп, слушајте многу внимателно. Гренланд е дел од данското кралство 800 години. Тоа е интегрирана земја. Не е на продажба“, рече Вистисен.
Потоа додаде: „Дозволете ми да го кажам ова со зборови што можеби ги разбирате: Господине претседателе, „е*ете се“.
"Trump, go fuck yourself." Danish MEP Anders Vistisen publicly insulted the US President for his attempts to annex Greenland. "I will say it in your language, President Trump: fuck off," he declared from the podium.
Give that man a medal 🎖️ pic.twitter.com/j50X0ma0ya
— Beefeater (@Beefeater_Fella) January 20, 2026
Неговиот говор беше прекинат од потпретседателот на Парламентот, Николае Стефанута, кој го предупреди за употреба на несоодветен јазик.
„Жал ми е, колега, ова е против нашите правила. Имаме јасни правила за пцуење и јазик што е несоодветен во оваа сала. Жал ми е што ве прекинувам. Тоа е неприфатливо, дури и ако имате силни политички чувства за ова“, рече Стефанута.
Инцидентот се случи во време на обновен американски притисок за стекнување на стратешки лоцирана арктичка територија. Трамп инсистира дека Гренланд, богат со минерали, е клучен за безбедноста на САД и НАТО против Русија и Кина, особено во контекст на топењето на Арктикот и борбата за стратешка предност.
САД го засилија притисокот заканувајќи се дека ќе воведат царини до 25 проценти за осум европски земји поради нивната поддршка за Данска. Како одговор, Европа се закани со контрамерки против Соединетите Американски Држави, потсетува Индекс.
