Данската влада воведува „ноќна стража“ во Министерството за надворешни работи за да ги следи изјавите и движењата на американскиот претседател Доналд Трамп во текот на ноќта, откако тој напролет зборуваше за намерата САД да ја преземат контролата врз данскиот остров Гренланд.
„Ноќната стража“ започнува секој ден во 17 часот по локално време, а во 7 часот наутро се составува извештај, а потоа се дистрибуира до данската влада и надлежните оддели за тоа што е кажано и што се случило, објавува весникот „Политикен“.
Се верува дека „ноќната стража“ е воведена по дипломатскиот спор меѓу Копенхаген и Вашингтон околу Гренланд оваа пролет, кога американскиот претседател се закани дека ќе ја преземе контролата врз арктичкиот остров.
