Повик до американскиот претседател Доналд Трамп да престане да се заканува со преземање на Гренланд, упати синоќа данската премиерка Мете Фредериксен.
-Апсолутно нема смисла да се зборува за преземање на Гренланд од страна на САД. САД немаат право да анектираат ниту една од трите земји на Кралството Данска – потенцира Фредериксен во изјава испратена по е-пошта.
Таа рече дека силно ги повикува САД да престанат да се закануваат на историски близок сојузник и на друга земја и луѓе кои многу јасно ставиле до знаење дека не се на продажба.
Вчера, американскиот претседател Доналд Трамп повтори во телефонско интервју за списанието „Атлантик“ дека Венецуела можеби не е последната земја што е предмет на интервенција на САД, нагласувајќи дека на САД им е потребен Гренланд.
-Навистина ни е потребен Гренланд, апсолутно. Островот е опкружен со руски и кинески бродови – рече Трамп.
Фото: Европски парламент
ИЗДВОЕНИ
Коледарчињата во Бадниковата поворка низ Скопје ја споделија радоста на празникот пеејќи „Вечниот Бог слезе, и во Дева се всели“/ФОТОГАЛЕРИЈА
Во пресрет на Божик: Традиционална прослава на Бадник пред Соборниот Храм во Скопје /ФОТОГАЛЕРИЈА
Купувањето стан станува „невозможна мисија“ за младите семејства
Од врата до врата со песна и надеж: Коледарчињата ја донесоа божиќната радост
