Дали убиството на парот во Загреб било нарачано? Алибито на поранешниот сопруг е дека се снимал себеси како игра PlayStation

Хрватската полиција ги уапси 29-годишниот војник Матија М. и неговиот помошник, 31-годишниот Фран Р., под сомнение за убиство на двојката Андреја К. и Маријан Ц. Сепак, бидејќи мотивот за убиството е нејасен, полицијата се сомнева дека станува збор за нарачано убиство.

Токму поранешниот сопруг го известил семејството, ги повикал родителите на убиената жена и рекол дека нешто сигурно се случило во станот во Маркушевац бидејќи Андреја не дошла да ја земе нивната ќерка. Родителите веднаш отишле на адресата на станот каде што ги пречекале лоште вести.

Потоа полицијата го испрашала поранешниот сопруг, кој од самиот почеток имал цврсто алиби дека не можел да биде на местото на злосторството, наведувајќи дека во тој момент бил дома со своето дете, играл Playstation и притоа се снимал себеси.

Бидејќи мотивот за убиството сè уште е непознат, ќе се истражува и спорот околу поделбата на имотот меѓу убиената жена и нејзиниот поранешен сопруг, кој моментално е на суд.

Родителите на убиената жена рекоа дека нејзиниот поранешен сопруг ја малтретирал и ја тепал и дека тоа била причината за нивниот развод, но тие исто така тврдат дека таа била злоставувана од нејзиниот сегашен партнер, човекот кој бил убиен со неа.

Она што е исто така симптоматично е што убиецот и неговиот соучесник, како што објавува „Јутарњи“, вечерале со поранешниот сопруг на убиената жена неколку дена пред убиството. Двајцата осомничени за убиството го познаваат поранешниот сопруг на убиената жена, со оглед на тоа што се членови на истиот мотоциклистички клуб и се следат еден со друг на социјалните мрежи. Деталите за вечерата во ресторанот во деновите пред двојното убиство сè уште не се познати.

Детали за двојното убиство во Загреб: Војникот ги изрешетал мажот и жената и отишол на работа во претседателската палата