Дали и Зеленски доаѓа на Алјаска?

Американскиот претседател Доналд Трамп треба да се сретне со рускиот претседател Владимир Путин на 15 август на Алјаска, а Белата куќа размислува да го покани и украинскиот претседател Володимир Зеленски. Посетата на Зеленски не е финализирана и не е јасно дали украинскиот лидер ќе заврши на Алјаска за состаноците, но дека тоа останува можност.

Подоцна, Белата куќа објави дека американскиот претседател Доналд Трамп е отворен за одржување трилатерален самит во Алјаска на 15 август, изјави официјален претставник на Белата куќа, додавајќи дека во моментов е планирана само билатерална средба меѓу Трамп и Путин.

„Белата куќа во моментов планира билатерална средба со Путин на негово барање“, рече официјален претставник, наведе Ројтерс.

Висок функционер на администрацијата изјави дека таков развој на настаните е „апсолутно“ можен, според NBC News.

Дипломатските напори за завршување на војната во Украина се интензивираа откако специјалниот претставник на Трамп, Стив Виткоф, се сретна со Путин во Москва пред рокот на американскиот претседател за прекин на огнот, под закана од нови санкции.

Трамп, најавувајќи ја средбата со Путин, рече дека ќе има „размена на територија меѓу Русија и Украина во корист на двете страни“, што Зеленски категорично го отфрли.