Дали Европа подготвува удар за Америка, се подготвува пакет санкции, забрана за познати технолошки гиганти, протерување на војската од базите?

Европската Унија подготвува санкции против американските корпорации доколку САД не се откажат од своите претензии кон Гренланд, пишува весникот „Телеграф“.

„ЕУ изготвува планови за санкции против американските компании доколку Трамп го отфрли предлогот за распоредување на силите на НАТО (наместо Гренланд да се придружи на САД)“, се наведува во статијата.

Весникот истакнува дека Велика Британија преговара со други европски земји за испраќање мисија на НАТО на Гренланд. Тие се надеваат дека посилното присуство на Арктикот ќе помогне да се убеди Трамп да се откаже од своите претензии кон островот.

Што се однесува до економските мерки, Европската Унија размислува за ограничување на активностите на технолошките гиганти, вклучувајќи ги „Мета“ „Гугл“, „Мајкрософт“ и „Икс“ во Европа. Ова би можело да влијае и на американските банки и финансиски фирми.

Во краен случај, Европејците разгледуваат можност за протерување на американските војници стационирани во нивните бази, се заклучува во статијата.

Американскиот претседател во петокот изјави дека е неопходно САД да го поседуваат Гренланд, додавајќи дека едноставното издавање под закуп на автономната данска територија нема да биде доволно.